கிளிநொச்சியில் குளத்தில் நீராடச் சென்றவர் சடலமாக மீட்பு.

𝐈𝐍𝐓𝐄𝐑𝐍𝐀𝐓𝐈𝐎𝐍𝐀𝐋 தமிழ் 𝐌𝐄𝐃𝐈𝐀

 கிளிநொச்சியில் குளத்தில் நீராடச் சென்றவர் சடலமாக மீட்பு. 

கிளிநொச்சி புதுஐயங்கன் குளத்தில் நீராடச் சென்ற நிலையில் நீரில் மூழ்கி காணாமல் போயிருந்த மூன்று பிள்ளைகளின் தந்தை சடலமாக மீட்கப்பட்டார். கிளிநொச்சி மாவட்டம் கரைச்சி பிரதேச செயலர் பிரிவுக்கு உட்பட்ட மலையாளபுரத்தின் புதுஐயங்கன் குளத்தில் நீராடச் சென்ற மூன்று பிள்ளைகளின் தந்தை நீரில் மூழ்கிய நிலையில் நேற்று முன் தினம் காணாமல் போயிருந்தார். 

இந்த நிலையில் தேடும் பணிகள் தீவிரமாக முன்னெடுக்கப்பட்டன. நேற்று முன் தினம் பிற்பகல் குறித்த அனர்த்தம் இடம்பெற்றுள்ளது. 

தனது ஒரு பிள்ளையுடன் அவர் குளத்தில் நீராடிக்கொண்டிருந்ததாகவும் அதன்போது அவர் நீரில் மூழ்கி காணாமல் போயுள்ளதாகவும் அயலிலுள்ள மக்களுக்குத் தெரிவிக்கப்பட்டிருந்தது. நேற்றும் தேடுதல் இடம்பெற்ற நிலையில் மாலை 5.30 மணியளவில் காணாமல் போயிருந்த நபர் சடலமாக மீட்கப்பட்டார். 

குறித்த நபர் பொன்னகர் வடக்குப் பகுதியைச் சேர்ந்த 40 வயதுடைய முத்துலிங்கம் அருமைநாதன் என பொலிஸார் தெரிவித்தனர். ✶✶⊶⊷⊷❍ 𝑰𝑻𝑴 ❍⊶⊶⊷✶✶
https://ift.tt/3vnDiVc