பசறை கோர விபத்து தொடர்பில் வெளியாகியுள்ள புதிய தகவல்கள்.

 பசறை கோர விபத்து தொடர்பில் வெளியாகியுள்ள புதிய தகவல்கள்.

லுணுகலை – பதுளை வீதியில், பசறை – 13ஆம் கட்டையில் நேற்றுக்காலை இடம்பெற்ற பேருந்து விபத்தில், 9 ஆண்களும், 5 பெண்களும் உட்பட 14 பேர் உயிரிழந்தனர்.

அத்துடன், 5 சிறுவர்கள் உட்பட 33 பேர் காயமடைந்துள்ளனர்.

காயமடைந்தவர்களுள், 20 ஆண்களும், 13 பெண்களும் அடங்குகின்றனர்.

குறித்த விபத்து இடம்பெற்றதை அடுத்து, விபத்துக்குள்ளான பேருந்துக்கு எதிர்த்திசையில் பயணித்த பாரவூர்தியின் சாரதி தப்பிச் சென்றிருந்தார்.

இந்த நிலையில் அவர் கைது செய்யப்பட்டுள்ளதாக காவல்துறை பேச்சாளர் தெரிவித்துள்ளார்.

இதேவேளை குறித்த பஸ்ஸின் சாரதி உயிரிழந்ததாக தெரிவிக்கப்படுகின்ற போதிலும் வழமையான சாரதி பேருந்தை செலுத்தவில்லை என தெரியவந்துள்ளது.

பேருந்தை செலுத்த வேண்டிய சாரதிக்கு பதிலாக மற்றுமொருவர் பேருந்தை செலுத்தியுள்ளார்.

லுணுகலையை சேர்ந்த 53 வயதான பேருந்தின் சாரதி காயமடைந்த நிலையில் வைத்தியசாலையில் சிகிச்சை பெற்று வருகின்றார்.

✶✶⊶⊷⊷❍ 𝑰𝑻𝑴 ❍⊶⊶⊷✶✶