ஐ.நாவில் இன்று பலப்பரீட்சை! திடீரென முக்கிய முஸ்லிம் தலைவர்களுடன் பேச்சு நடத்திய ஜனாதிபதியும் பிரதமரும்.

 ஐ.நாவில் இன்று பலப்பரீட்சை! திடீரென முக்கிய முஸ்லிம் தலைவர்களுடன் பேச்சு நடத்திய ஜனாதிபதியும் பிரதமரும்.

ஐக்கிய நாடுகள் மனித உரிமைகள் பேரவையில், இலங்கை குறித்த தீர்மானத்தின் மீதான வாக்கெடுப்பு இன்று அல்லது நாளை இடம்பெறும் சாத்தியம் காணப்படுவதாக தெரிவிக்கப்பட்டுள்ளது.

ஐக்கிய நாடுகள் மனித உரிமைகள் பேரவையின் 46 ஆவது அமர்வு காணொளி தொழிநுட்பம் மூலமாக இடம்பெற்று வருகிறது.

இந்த நிலையில், இலங்கை மீதான தீர்மானம் இன்றைய தினம் விவாதத்திற்கு எடுத்துக் கொள்ளப்படவுள்ளதாக சர்வதேச ஊடகங்கள் தெரிவிக்கின்றன.

அத்துடன், இந்த தீர்மானத்தின் மீதான வாக்கெடுப்பு இன்று அல்லது நாளை இடம்பெறும் சாத்தியம் காணப்படுவதாக தெரிவிக்கப்பட்டுள்ளது.

நாட்டில் பொறுப்புக்கூறல், நல்லிணக்கம் மற்றும் மனித உரிமைகள் ஆகியவற்றை மேம்படுத்துவதற்கு வலியுறுத்தும் வகையில் இந்த தீர்மானம் முன்வைக்கப்பட்டுள்ளது.

இந்த தீர்மானத்தின் மீதான வாக்கெடுப்பின் போது, பாகிஸ்தான் மற்றும் பங்களாதேஷ் உள்ளிட்ட நாடுகள் இலங்கைக்கு ஆதரவாக செயற்பட தீர்மானித்துள்ளன.

அத்துடன், இந்தியா இலங்கைக்கு ஆதரவாக செயற்படும் என எதிர்பார்க்கப்படுவதாக அரசாங்கம் தெரிவித்துள்ளது.

இதேவேளை, ஐக்கிய நாடுகள் மனித உரிமைகள் பேரவையில் 47 நாடுகள் வாக்களிக்கும் தகுதியை பெற்றுள்ளமை குறிப்பிடத்தக்கது.

இந்த நிலையில் ஜனாதிபதி கோட்டாபய ராஜபக்ஷ மற்றும் பிரதமர் மஹிந்த ராஜபக்ஷ ஆகியோர் உலக முஸ்லிம் தலைவர்களுக்கு தொலைபேசி அழைப்புகளை செய்துள்ளனர் என ஆங்கில ஊடகம் ஒன்று செய்தி வெளியிட்டது.

இஸ்லாமிய ஒத்துழைப்பு அமைப்பின் (OIC) பொதுச்செயலாளர் Dr. Yousef A. Al-othaimeen க்கு நேற்று ஜனாதிபதி கோட்டாபய ராஜபக்ஸ அழைப்பை எடுத்தார்.

இஸ்லாமிய ஒத்துழைப்பு அமைப்புக்கும் இலங்கைக்கும் இடையிலான உறவுகள் குறித்து விவாதித்தார் என, OIC ஒரு அறிக்கையில் தெரிவித்துள்ளது.

இலங்கை ஜனாதிபதியின் தொலைபேசி அழைப்பையும், சர்வதேச அமைப்புகளைத் திறந்து அணுகுவதற்கான அவரது விருப்பத்தையும் பாராட்டியதோடு, இஸ்லாமிய சடங்குகளுக்கு ஏற்ப முஸ்லிம்களின் இறந்தவர்களை அடக்கம் செய்வதற்கான உரிமை குறித்து இலங்கை அரசாங்கத்தின் முடிவை Dr. Yousef A. Al-othaimeen வரவேற்றார்.

இதற்கிடையில், பிரதமர் மஹிந்த ராஜபக்ஷ பஹ்ரைனைச் சேர்ந்த துணை மன்னர் Salman bin Hamad Al Khalifa-வை நேற்று தொலைபேசியில் தொடர்பு கொண்டார்.

இலங்கை ஜனாதிபதியின் தொலைபேசி அழைப்பு மற்றும் சர்வதேச அமைப்புகளைத் திறந்து அணுகுவதற்கான அவரது விருப்பம் மற்றும் இஸ்லாமிய சடங்குகளின்படி இறந்தவர்களை அடக்கம் செய்வதற்கான முஸ்லிம்களின் உரிமை குறித்து இலங்கை அரசாங்கத்தின் முடிவை OIC வரவேற்றது.

தான் ஜனாதிபதி பதவியில் இருந்தே இலங்கையில் அமைதியையும் ஸ்திரத்தன்மையையும் நிலைநாட்ட மேற்கொண்ட முயற்சிகளை Salman bin Hamad Al Khalifa நினைவு கூர்ந்து பாராட்டியதாக ராஜபக்ஷ கூறினார்.

ஐ.நா மனித உரிமைகள் பேரவையின் ஒரு பகுதியாக இருக்கும் பல முஸ்லிம் நாடுகளை உள்ளடக்கிய உலகின் மிகப்பெரிய முஸ்லிம் அமைப்பு OIC ஆகும்.

ஐ.நா மனித உரிமைகள் கவுன்சில் இலங்கைக்கு எதிரான தீர்மானத்தில் வாக்களிப்பதற்கு ஒரு இரு நாள் முன்னதாக ஜனாதிபதி கோட்டாபய ராஜபக்ஷ மற்றும் பிரதமர் மஹிந்த ராஜபக்ஷ ஆகியோர் உலக முஸ்லிம் தலைவர்களுக்கு தொலைபேசி அழைப்புகளை செய்துள்ளனர்.

✶✶⊶⊷⊷❍ 𝑰𝑻𝑴 ❍⊶⊶⊷✶✶