காலை நேர சிந்தனை

எவர் ஒருவரும் உங்கள் வாழ்க்கைப்பயணத்தைப் புரிந்து கொள்ளப் போவதில்லை. நீங்கள் இங்கு வாழ்வது உங்களது வாழ்க்கையை வாழத்தானே தவிர உங்களைப் புரிந்து கொள்வதற்காக அல்ல.

வெளியில் இருந்து நாம் பெறுவது தகவல். அதை பாதுகாப்பது அறிவு. அதை புரிந்து கொள்வது. புத்திசாலித்தனம். ஆனால், எங்கே, எப்படி, எப்போது பயன்படுத்துவது என்பது ஞானம்.

தேடல் முடிந்த பின்பும் பயணம் முடிவதில்லை. தேடல் எதுவென உணர்வதற்குள் நீள்கிறது பயணத்தின் பாதை.

பாதையும் பயணமும் எதை தேடுவதென உணர்வதற்குள் வாழ்க்கை முடிந்திடும் போல. தீரா தேடலோடு பாதை எதுவென உணர்ந்திடாத பயணமே வாழ்க்கை.

அசைக்க முடியாத ஆழ்ந்த அமைதியில் ஆற்றல் உயிர்ப்பிக்கிறது. அமைதியும் பொறுமையும் உன்னதம் நிறைந்த வாழ்வின் வளமான வரமே.

சாந்தமான அமைதியில் வாழ்க்கைப் புத்துணர்வுடன் வலிமையும் பெறுகிறது.

முடியாததைப் பின்னொரு நாள் நிச்சயமாக அமைதியின் ஆற்றலோடு சாத்தியமே.

வாழ்வியல் முன்னேற்றத்துக்கான அமைதியில் எடுக்கப்படும் முயற்சி என்றும் இனிமை நிறை ஆனந்தமே. ஆழ்ந்த அமைதியும் நீடித்தப்  பொறுமையும் வாழ்வின் பேரின்பமே.

முக மலர்ச்சியோடும், நம்பிக்கையுடனும் எழுந்து புதிய நாளை துவங்க இறைவன் அருள் புரியட்டும்…!

நல்லதே நினைப்போம் நல்லதே நடக்கும்.

நல்ல எண்ணங்களுடன் இன்றைய நாளை தொடங்குவோம்...

இந்த நாள் இனிய நாளாகட்டும்

வாழ்க 🙌 வளமுடன்

✶✶⊶⊷⊷❍ 𝑰𝑻𝑴 ❍⊶⊶⊷✶✶