பிரேத பரிசோதனையின் பின்னர், மீசை வளர்ந்திருந்த சடலம் – நடந்தது என்ன?

பிரேத பரிசோதனையின் பின்னர், மீசை வளர்ந்திருந்த சடலம் – நடந்தது என்ன?

𝑰𝑻𝑴▪️மொனராகலை மாவட்ட வைத்தியசாலையில் உயிரிழந்த நிலையில், பிரேத பரிசோதனை நடத்தப்பட்டு, வீட்டிற்கு கொண்டு செல்லப்பட்ட நபரின் முகத்தின் மீசை வளர்ந்த சம்பவமொன்று பதிவாகியுள்ளது.

𝑰𝑻𝑴▪️பூதவுடலின் முகத்தின் மீசை வளர்ந்ததை அவதானித்த உறவினர்கள், சடலத்தை மீண்டும் மொனராகலை வைத்தியசாலைக்கு கொண்டு சென்றுள்ளதாக தெரிவிக்கப்படுகின்றது.

𝑰𝑻𝑴▪️எத்திலிவெவ – வெஹெரயாய பகுதியைச் சேர்ந்த 55 வயதான ஜே.ஏ.எல்.ஞானதிலக்க என்ற இரு பிள்ளைகளின் தந்தை கடந்த 9ம் திகதி கிணறொன்றில் வீழ்ந்து உயிரிழந்துள்ளார்.

𝑰𝑻𝑴▪️இவ்வாறு கிணற்றில் வீழ்ந்த உயிரிழந்த நபரின் சடலத்தை வெல்லவாய ஆதார வைத்தியசாலைக்கு பொலிஸார் அனுப்பி வைத்துள்ளனர்.

𝑰𝑻𝑴▪️அதனைத் தொடர்ந்து, மறுதினம் பிரேத பரிசோதனைகளுக்காக சடலம் மொனராகலை மாவட்ட வைத்தியசாலைக்கு அனுப்பி வைக்கப்பட்டுள்ளது.

𝑰𝑻𝑴▪️கடந்த 12ம் திகதி சடலம் மீதான பிரேத பரிசோதனைகள் நிறைவு செய்து, அன்று பிற்பகல் சடலம் உறவினர்களிடம் ஒப்படைக்கப்பட்டுள்ளது.

𝑰𝑻𝑴▪️அதன்பின்னர், பூதவுடல் மலர்சாலையொன்றுக்கு ஒப்படைக்கப்பட்டு, எம்பம் செய்யப்பட்டு, வீட்டிற்கு கொண்டு வரப்பட்டுள்ளது.

𝑰𝑻𝑴▪️13ம் திகதி உயிரிழந்த நபரின் மகள், சடலத்தின் முகத்தின் மீசை வளர்ந்துள்ளதை அவதானித்துள்ளார்.

𝑰𝑻𝑴▪️தனது தந்தை எந்தவொரு சந்தர்ப்பத்தில் மீசை வளர்ப்பது இல்லை எனவும், இது தனது தந்தை இல்லை எனவும் அவர் கூறியுள்ளதாக தெரிவிக்கப்படுகின்றது.

𝑰𝑻𝑴▪️இந்த சம்பவம் தொடர்பில் குடாஓய பொலிஸாருக்கு அறிவிக்கப்பட்டு, சடலம் மீண்டும் மொனராகலை மாவட்ட வைத்தியசாலைக்கு கொண்டு செல்லப்பட்டுள்ளது.

𝑰𝑻𝑴▪️யானை தாக்குதலுக்கு இலக்காகி, கடந்த 11ம் திகதி உயிரிழந்த ஒருவரின் சடலத்தை வைத்தியசாலை தரப்பினர் மாற்றி வழங்கியுள்ளமையே, இந்த பிரச்சினைக்கான காரணம் என பின்னர் கண்டறியப்பட்டுள்ளது.

𝑰𝑻𝑴▪️அதன்பின்னர், உரிய சடலத்தை வைத்தியசாலை தரப்பிடமிருந்து பெற்று, சடலத்தை அன்றைய தினமே அடக்கம் செய்ய உறவினர்கள் நடவடிக்கை எடுத்துள்ளனர்.

𝑰𝑻𝑴▪️இந்த சம்பவம் தொடர்பில் விசாரணைகள் ஆரம்பிக்கப்பட்டுள்ளதாக வைத்தியசாலையின் பணிப்பாளர் டொக்டர் ஆர்.எம்.டி.ரத்நாயக்க தெரிவித்துள்ளார்.

✶✶⊶⊷⊷❍ 𝑰𝑻𝑴 ❍⊶⊶⊷✶✶