கற்பனைகள் என்னும் அற்புதங்கள்.

உருண்டு ஓடிய கற்களைப் பார்த்து இதன் மேல் நாம் அமர்ந்து சென்றால் எப்படி இருக்கும் என்கிற கற்பனை தான் சக்கரங்களும் அதன்பின் வண்டிகள் உருவாகக் காரணமாக அமைந்தது. 

இப்போது சொகுசு வாகனங்களாக வளர்ச்சி பெற்றும் உள்ளது. 

 பறவையைப் போல நாம் பறந்தால் எப்படி இருக்கும் என்கிற கற்பனை தான் விமானங்கள் உருவாகக் காரணமாக அமைந்தது. 

இப்படியான அனைத்து கண்டுபிடிப்புகளின் அடிப்படையே கற்பனைகள் தான். 

அதுபோலவே, நான் இப்படியெல்லாம் வாழ வேண்டும் என்று ஒருவரால் கற்பனை செய்ய முடியுமெனில் அப்படியெல்லாம் அவர் வாழவும் சாத்தியம் உண்டு. 

அது அவருடைய எண்ணங்கள், உணர்வுகள் மற்றும் அவருடைய செயலின் அளவைப் பொறுத்து அவர் விரும்பும் வாழ்க்கையின் அளவும் அமைகிறது. 

நல்ல எண்ணங்கள், நல்ல உணர்வுகள் மற்றும் நல்ல நோக்கத்துடனும் நாம் செயல்படுகிறோம் எனில், நம் வாழ்க்கை நிச்சயமாக அற்புதங்கள் நிறைந்த வாழ்க்கையாக அமையும் என்பதில் எனக்கு எந்தவித ஐயமும் இல்லை. 

அப்படியொரு அற்புதமான வாழ்க்கை அனைத்து நீங்களும் வாழ வேண்டுமென விரும்பினால், 

அந்த அற்புதங்கள் நிறைந்த வாழ்க்கையை முதலில் உங்கள் கற்பனையில் இருந்து தொடங்குங்கள். உங்கள் கற்பனைகள் விரைவில் உண்மையாக மாற எனது மனமார்ந்த வாழ்த்துக்கள்.

✶✶⊶⊷⊷❍ 𝑰𝑻𝑴 ❍⊶⊶⊷✶✶