சிறுநீரகம் ஆரோக்கியமாக இருக்க இந்த பொருள சாப்பிடுங்க

சிறுநீரகங்கள் இரண்டு பீன் வடிவ உறுப்புகளாகும். அவை இரத்தத்தில் இருந்து கழிவுப்பொருட்களை வடிகட்டி நம்மை ஆரோக்கியமாக வைத்திருக்க உதவுகின்றன.

சிறுநீரக செயல்பாடு என்பது உடலுக்கு தேவைப்படும் மிக அவசியமான ஒன்றாகும். அவற்றில் பாதிப்பு ஏற்படுவது என்பது உயிருக்கே ஆபத்தை ஏற்படுத்தலாம்.

மன அழுத்தம், மோசமான உணவு மற்றும் செயலற்ற தன்மை போன்ற பல்வேறு காரணிகளால் தோஷங்களின் ஏற்றத்தாழ்வு ஏற்படலாம்.

சிறுநீரக பிரச்சனைகள் இருந்தால் ஆயுர்வேத மருத்துவரை அணுகி சிகிச்சை பெறுவது மிகவும் அவசியம். அவை தோஷ மறுசீரமைப்பு மற்றும் சிறுநீரக ஆரோக்கியத்தை மேம்படுத்த உதவும்.

ஆயுர்வேத வைத்தியங்கள் மூலம் சிறுநீரகங்களை எவ்வாறு சிறப்பாகச் செயல்பட வைக்கலாம் என்று இக்கட்டுரையில் தெரிந்துகொள்ளுங்கள்.

📌ஆயுர்வேத வீட்டு வைத்தியம்

ஆரோக்கியமற்ற உணவுகள் மற்றும் நொறுக்குத் தீனிகளை உண்பது, உடற்பயிற்சி செய்யாமல் இருப்பது, புகைபிடிப்பது போன்ற ஆரோக்கியமற்ற வாழ்க்கை முறை தேர்வுகளை செய்யும்போது சிறுநீரகங்களில் அழுத்தத்தை ஏற்படுத்தும்.

சிறுநீரகங்கள் நம் இரத்தத்தில் இருந்து நச்சுகளை அகற்றும் வேலையை செய்கின்றன. 

சிறுநீரகம் பாதிக்கப்படும்போது அவற்றின் இயக்கம் மற்றும் செயல்திறன் பாதிக்கப்படும்.

இது உடலில் நச்சுகள் குவிந்து, சிறுநீரக கற்கள், சிறுநீரக செயலிழப்பு மற்றும் உயர் இரத்த அழுத்தம் உள்ளிட்ட பல உடல்நலப் பிரச்சினைகளை ஏற்படுத்தலாம்.

அதிர்ஷ்டவசமாக சிறுநீரக பிரச்சனைக்கான தீர்வுகள் ஆயுர்வேத மருத்துவத்தில் உள்ளன.

சிறுநீரக அமைப்பை மீட்டெடுப்பதற்கும் மேம்படுத்துவதற்கும் கூடுதலாக சிறுநீரக பிரச்சினைகளுக்கு சிகிச்சையளிக்க உதவும் பல சக்திவாய்ந்த மூலிகைகள் உள்ளன. அவை என்னென்ன என்று இங்கே காணலாம். 

📌மஞ்சள்

பண்டைய காலம் முதல் இன்றுவரை பயன்படுத்தப்படும் பல மருத்துவ குணங்களை கொண்ட மஞ்சள் பல்வேறு நன்மைகளை வழங்குகின்றன.

அந்த வகையில் மஞ்சள் சிறுநீரகத்தை ஆரோக்கியமாக வைத்திருக்க உதவும் பயனுள்ள ஆயுர்வேத மூலிகைகளில் ஒன்றாகும்.

இது ஒவ்வொரு வீட்டின் சமையலறையில் இருக்கும் நன்கு அறியப்பட்ட மசாலாவாகும்.

ஆரோக்கிய நன்மைகளை கொண்ட மஞ்சளில் குர்குமின் என்ற மூலப்பொருள் உள்ளது.

இது அழற்சி எதிர்ப்பு பண்புகளை அளிக்கிறது.

மஞ்சளைக் கொண்டிருப்பது சிறுநீரகங்களில் ஏற்படும் வீக்கத்தைக் குறைத்து அவற்றின் செயல்பாட்டை மேம்படுத்த உதவும். 

📌இஞ்சி

பழங்காலத்திலிருந்தே உடலில் இருந்து நச்சுகளை அகற்ற உதவும் மிகவும் பிரபலமான மூலிகையாக இஞ்சி இருந்து வருகிறது.

இது கல்லீரல் மற்றும் சிறுநீரகங்களை நச்சுப் பொருட்களிலிருந்து சுத்தப்படுத்துகிறது.

இஞ்சியின் அழற்சி எதிர்ப்பு பண்புகள் சிறுநீரக தொற்று தொடர்பான வீக்கம் மற்றும் வலியைக் குறைக்க உதவுகிறது. 

📌கொத்தமல்லி

கொத்தமல்லி உடலில் ஒர் இனிமையான விளைவை கொடுக்கிறது.

சிறுநீரகங்கள் சரியாக செயல்படாத போது சிறுநீர் கழிக்கும் போது சிலருக்கு எரியும் உணர்வு ஏற்படலாம்.

இந்த எரியும் உணர்வை தணிக்க கொத்தமல்லி உதவுகிறது.

சிறுநீர்ப்பை மற்றும் சிறுநீர்க்குழாய் நோய்த்தொற்றுகள் இதன் மூலம் சிகிச்சையளிக்கப்படுகின்றன.

ஒரு இயற்கை டையூரிடிக்கான கொத்தமல்லி, சிறுநீரகங்களை சேதத்திலிருந்து பாதுகாக்கிறது.

📌சீந்தில் கொடி

இதய வடிவ இலைபோல இருக்கும் சீந்தில் கொடி, உங்களுக்கு பல்வேறு ஆரோக்கிய நன்மைகளை வழங்குகிறது.

அந்த வகையில் இது சிறுநீர் பிரச்சினைகளுக்கு சிகிச்சையளிப்பதற்கான ஒரு பயனுள்ள மூலிகை தாவரமாகும்.

மருத்துவரின் பரிந்துரையின் பேரில் சிறுநீர் கழிப்பதில் சிரமம் உள்ளவர்கள் சீந்தில் கொடியை எடுத்துக் கொள்ளலாம். 

📌சந்தனம்

சந்தனம் இரண்டு பயனுள்ள குணங்களைக் கொண்டுள்ளது. அவற்றில் ஒன்று கிருமிகளை எதிர்த்து உங்கள் உடலை குளிர்ச்சியாக வைத்திருக்கும்.

இதன் காரணமாக சிறுநீர் கழிக்கும் போது சிறுநீர் பாதை நோய்தொற்று மற்றும் வலிக்கு சந்தன் செர்பட் பரிந்துரைக்கப்படுகிறது.

சந்தனத்தில் இயற்கையான ஆன்டி-மைக்ரோபியல் பண்புகளால் சிறுநீரக தொற்றுகளில் இருந்து எளிதாக நீங்கள் விடுபடலாம். 

📌திரிபலா

ஆயுர்வேதத்தில் நன்கு அறியப்பட்ட மற்றும் சக்திவாய்ந்த மூலிகையாக திரிபலா உள்ளது.

இது சிறுநீரக உடல்நலப் பிரச்சனைகள் உட்பட பல சுகாதார நிலைமைகளுக்கு ஆயுர்வேத தீர்வாக இருக்கிறது.

புத்துணர்ச்சியை ஊக்குவிக்கும் மூன்று முக்கிய மூலிகைகளின் கலவையான திரிபலா, சிறுநீரகத்தின் அனைத்து இயற்கை செயல்முறைகளையும் மேம்படுத்த உதவுகிறது.

இது உடலின் வெளியேற்ற அமைப்பின் இரண்டு முக்கிய கூறுகளான கல்லீரல் மற்றும் சிறுநீரகங்களை ஆதரிக்கிறது. 

✶✶⊶⊷⊷❍ 𝑰𝑻𝑴 ❍⊶⊶⊷✶✶