கொவிட் தடுப்பூசிக்காக இலங்கை அரசாங்கம் செலவிட்டுள்ள தொகை இவ்வளவா?
கொவிட் தடுப்பூசிக்காக இலங்கை அரசாங்கம் செலவிட்டுள்ள தொகை இவ்வளவா?
கொவிட் – 19 வைரஸ் தடுப்பிற்கான ஒக்ஸ்போர்ட் எஸ்ட்ராசேனேகா தடுப்பூசிக்காக அரசாங்கத்தினால் இதுவரை 50 கோடி ரூபாவிற்கும் அதிக தொகை செலவிடப்பட்டுள்ளதாக ஆரம்ப சுகாதார சேவை, தொற்று நோய் மற்றும் கொவிட் தடுப்புக்கான இராஜாங்க அமைச்சர் சுதர்ஷனி பெர்ணான்டோபுள்ளே தெரிவிக்கின்றார்.
நாட்டிற்கு 12 லட்சத்து 64 ஆயிரம் தடுப்பூசிகள், இலவசமாகவும், பணத்திற்காகவும் வழங்கப்பட்டுள்ளதாக அவர் கூறுகின்றார்.
இவற்றில் 5 லட்சம் வரையான தடுப்பூசிகளை அரச மருந்தாக்கல் கூட்டுதாபனத்தினால் கொள்வனவு செய்யப்பட்டுள்ளதாகவும் அவர் குறிப்பிடுகின்றார்.
ஒரு தடுப்பூசியின் விலை 5.20 அமெரிக்க டொலர் என்பதுடன், இலங்கை 5 லட்சம் தடுப்பூசிகளை கொள்வனவு செய்துள்ளதாகவும் அவர் சுட்டிக்காட்டியுள்ளார்.
இதன்படி, குறித்த தடுப்பூசிகளை கொள்வனவு செய்வதற்காக 5000 லட்சம் ரூபா செலவிடப்பட்டுள்ளதாகவும் அவர் தெரிவிக்கின்றார்.
இவ்வாறு கொள்வனவு செய்யப்பட்ட தடுப்பூசி மருந்துகளை களஞ்சியப்படுத்துவதற்காக குளிரூட்டல் கட்டமைப்பு வசதிகள், போக்குவரத்து, சிலின்ஜர் கொள்வனவு, மனித வள பயன்பாடு உள்ளிட்ட செலவீனங்களுக்காக வேறாக பணம் செலவிடப்பட்டுள்ளதென அவர் குறிப்பிடுகின்றார்.
இலங்கைக்கு இதுவரை கொண்டு வரப்பட்ட தடுப்பூசிகளில் 5 லட்சம் தடுப்பூசிகள் இலவசமாகவும், 5 லட்சம் தடுப்பூசிகள் பணத்திற்காக கொள்வனவு செய்யப்பட்டுள்ளதாகவும் அவர் தெரிவிக்கின்றார்.
எஞ்சிய 2 லட்சத்து 64 ஆயிரம் தடுப்பூசிகள், கொவேக்ஸ் திட்டத்தின் கீழ் நாட்டிற்கு கிடைத்துள்ளதாகவும் இராஜாங்க அமைச்சர் சுதர்ஷனி பெர்ணான்டோபுள்ளே குறிப்பிடுகின்றார்.
கடந்த 14ம் திகதி வரையான காலம் வரை 7 லட்சத்து 73 ஆயிரத்து 11 பேருக்கு தடுப்பூசிகள் வழங்கப்பட்டுள்ளமை குறிப்பிடத்தக்கது.
No comments
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3.உங்களது மேலான கருத்துக்களையும் ஆலோசனைகளையும் எதிர்பார்கிறோம்
இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.